Bob en Hennie Ansing - As de wereld n dörpshoes was
Bob en Hennie Ansing beheerden tot hun pensioengerechtigde leeftijd decennialang dorpshuis De Rotonde in Niekerk. Ze ervoeren hoezeer het dorpshuis een spilfunctie vervult binnen de gemeenschap en zagen er mooie initiatieven tot bloei komen. Eerder was Hennie werkzaam in de zorg, Bob als conciërge op een school en runden ze samen een camping.
As de wereld n dörpshoes was
As de wereld n dörpshoes was
n rotonde van mit nkander scholders deronder
sìnterij veur n behandeling wied vot morzo regeld wer
zulfs de rest van pervinzie wait haar van t nuverste dörp.
As de wereld de thoeszörg was
zunder deurklinkgesprekken, mit genog tied om handen
om elk mìns te loaten wezen ien heur benaauwdste uren
weerdeghaid te geven dij heur toukomt mit handen aan t bèr.
As de wereld n camping was
woar t jonkgoud mooi n beetje omkontjede
n stee woar je zain werden, zulfs as je bollen pelden
en t wied oetkieken was over wereld en wierde.
As de wereld n schoul was
bie t plakken van n lekke baand, n proatje op zien tied
n haand op n scholder veur wel doar verlet om haar
en joaren loater nog ien dankboarhaid herinnerd.
As de wereld n dörpshoes was
alle toalen en tongen der leerd werden en welkom waren
elk zien affeer haar en dee wat of er geern dee
t kopke kovvie mit elke knip te betoalen.
Din ston t hoes mit de veule woningen wis ien t Westerketaaier.
