Karel Biemond - Eerappels kweken zit ien t bloud
Karel Biemond is aardappelveredelaar. Het aanpassen en ontwikkelen van nieuwe rassen is nodig omdat de omstandigheden waarin de aardappel groeit aan verandering onderhevig is. Willem Tjebbe Oostenbrink schreef het volgende gedicht:
Eerappels kweken zit ien t bloud
Eerappels kweken zit hom ien t bloud, dizze klaaigrond
mit smuie kloeten budt zien bedrief bunders
proefvelden met zaailengen, poters en eters.
Noa Bremer Roden, Venlozen, Berlieners en Fraanzen
kwamen eerappels van aigen grond. Nou liekt
tied van Rode Star en Aigenhaimers doan.
Zien bedrief sweeft op melodie van nije razzen,
noamen zingen ien lucht: Fabula, Biemonda,
Robinta, Divina en Smile lagen die ien muit.
Bloumkes dij riekelk wit bluien, lila of daip sangen.
Smoak wordt nait noar keken. As knol mor goud oogt.
Handel mag t nait lieden as eerappel daipogig kikt.
Knollen mouten der goud oetzain, rond tot ovoal,
staarke stangen, zunder troage grui van loof.
Razzen kweken blift n stried. Weerboar wezen
tegen wratzaikte, gain vatboarheid veur bladrolloezen
en eerappelmoehaid, nait gevuileg veur schurft.
t Is gain waark veur n eerappelzummerke, t gaait om
vastholdendhaid. Bennen dikke knollen oet, is t tied veur lutjen.
Maark en handeloaren veraandern voaker as t weer.
Toukomst blift ongewis. Twij computerschaarms mit
eerappelploatjes en nummers baiden hom zicht op mörgen.
Zuiktocht noar kruzengen levert altied verrazzens op.
t Kin elke dag roak wezen en der kinnen joaren
veurbie goan. Mor wat zol t mooi wezen as ainmoal
n nije eerappel kop opstekt veur chips moaken of as
petat dij n hamburger vergezelt ien n fastfoodketen.
